2009 að byrja

Árið 2008 hefur verið merkilegt en það hefur ekki mikið komið fyrir hjá mér. Námið hefur staðið í stað og það hefur ekki orðið miklar breytingar þrátt fyrir það að ég fópr inn í 4. bekkinn. Ég fékk slétta 9 í meðaleinkunn um jólin og get verið ánægður með það. Þekkingin var greinilega til staðar en útfærslan misheppnaðist og því fékk ég einugis níur í nokkrum fögum sem ég gæti alveg hækkað í, svo sem í efnafræði, líffræði og sögu. ég fékk 10 í íslenskum fræðum sem kom á óvart, en það stafaði af góðu minni úr málsögunni trúi ég. Stærðfræðið á ég að geta bætt yfir 9 og 8 og áætlunin verður að fá hærra í þessum prófum í vor.

Ég hef að mestu leyti dregið mig úr skákinni en þó ætla ég að tefla áfram í Deildarkeppnina sem og að sinna stjórnarstörfum í Helli. Nýlega hef ég unnið við það að slá inn skákir úr mótum sem tekur minna á en að keppa sjálfur og er það helsta leið minn til þess að afla tekjur. Það á eftir að hjálpa ef illa fer.

Nú ætla ég að vona að árið 2009 gangi sem best og að reynt verði að stjórna eftir rökfestu og langtíma og skammtíma hagsmunir verði metið vel og vandlega.