Skólinn, Skákþing Reykjavíkur og fleira

Árið 2008 hefur hafist og þann 4. janúar geng ég aftur í Lærða skólann. Ég er spenntur enn á ný fyrir skólagöngu þar sem ég lærði mikið á seinasta önn og vonast ég til að á þessari önn verður enginn undantekning þar á. Svo á sunnudaginn byrjar Skákþing Reykjavíkur. Árangurinn hjá mér hefur ekki verið upp á marga fiska og nú stefni ég á að gera betur. Nú er málið að fara að vinna skákir og vera ekki alltaf í nauðvörn allan tímann. Og svo tapi ég allt of mikið af skákum á móti lélegum andstæðingum bara út af misreikningum og að tefla of hratt. Spurning um að hægja á sér á köflum.

Svo núna var ég að kaupa mér mitt annað geisladisk í safninu. Nú er það In Flames live diskurinn. Það er merkilegt að báðir diskarnir sem ég hef eru live diskar frá Tókyo. Hinn er Children of Bodom diskur. Nú er bara spurninginn að bæta eitthvað meira við á næstkomandi mánuðum...