Tuesday 28. August

Byrjaði í skólann 8:10. Þá var könnunarpróf í dönskum óreglulegum sögnum, þar sem við lærðum líka að færa borðin okkar í sundur eins og ber að gera í prófum. Enn á ný er ég kominn með nýjan borðfélaga. Í þetta sinn er hann á vinstri hliðina á mér. Lærðum þá hitt og þetta ekk svo neitt merkilegt þangað til að efnafræðin kom. Út af því að kennarinn okkar ruglaði stundatöflunni sinni þá þurftum við að læra í matahléinu. Samt fáum við 45 mínutu hlé þar á eftir, frá 11:45 til 12:30. Sem samræmist ágætlega stóru frímínuturnar í Landakoti(gamli skólinn minn). Kannski heimsæki ég fólkið þar einhvern dag. En allavega verðum við einir í fríi á þessum tíma held ég í MR. Því miður er Stærðfræði þar á eftir, og það er mjög pirrandi af því að skjaldbaka gæti komið okkur hraða í gegnum efninu heldur en kennarinn okkar, sem verður að eyða 10 mínutur í hverju dæmi til að kanna allt mögulegt. Heldur hún að hún sé að kenna einhverjum n00bum? Er n00bavæðingin kominn í MR. Allavega eftir samræðu við bekknum um þetta stóðst ég ekki mátið og tók eina dæmi á töfluna á undan tímanum. Og því miður fyrir mig var ég ekki alveg viss um hvernig ég átti að gera svona dæmi og endaði með því að klúðra það í fyrstu tækifæri. En ég rétti það síðan við á eftir. Í stærðfræði frétti ég það í fyrsta sinn um æfingarnar fyrir Stærðfræðikeppni framhaldsskóla. Þeir eru víst á laugardagsmorgnum og ætla ég að mæta næsta laugardag og sjá hvernig mér gengur. Reynslan úr Stærðfræðikeppni grunnskóli ætti að hjálpa mér aðeins. Eftir það gerðist ekkert markvert fyrir utan það að við lærðum um Trójustríðið. Ég hélt áður fyrr að Trójustríðið var allt í Ilíadskviðum en svo er víst ekki, ef marka má kennarann. Þetta vissi ég sannarlega ekki. Svo var skólinn búinn og ég fór beint heim eins og venjan er.

Félagslífið á eftir að byrja fljótlega, og vonist ég eftir að geta gert sem mest. Komast hjá því að einangra mig eins og ég gerði í Landakoti. Merkisdagar verða busaballið, busaferðin og skákmótinu, auk þess sem ég skelli mig kannski í forkeppni Gettu betur og sé hvernig mér gengur í því.

Utan skólann þá er það að frétta að á atkvöldi Hellis var ég í fyrsta til fjórða sæti með 4.5/6 vinningum. Ég tapaði reyndar á stigum en ég ætti að geta grætt atskáksstigum fyrir þetta mót. Skákþing Íslands byrjar í dag, og ég og ég sagði ætla ég ekki að taka þátt í Áskorendaflokknum, þar sem mig langar að festa mig í skólann betur. Samt ætla ég kannski að fylgjast með því aðeins.

Nóg í bili.